Хитойда Интерпол собиқ раҳбари коррупцияда гумон қилинмоқда

Интерпол собиқ президенти коррупцияда гумонланмоқда. Бу ҳақда ТАСС Хитой Жамоат хавфсизлиги вазирлигига асосан хабар берди.

Аввалроқ, Хитой ҳукумати томонидан ушлангани айтилаётган Интерпол президенти Мэн Хунвэй халқаро ташкилот раҳбари лавозимидан кетгани хабар қилинганди.

Ундан аввал Мэн Хунвэйнинг рафиқаси Грейс Мэн эри йўқолиши олдидан унга пичоқ сурати илова қилинган хабар жўнатгани ҳақида маълумот берганди.  

Хитой томонининг маълум қилишича, Хитойда жамоат хавфсизлиги вазири ўринбосарини эгалловчи Мэн Хунвэй қонунни бузишда айбланмоқда ва унга нисбатан тергов олиб борилмоқда.