Xitoy hukumati tomonidan ushlangani aytilayotgan Interpol prezidenti Men Xunvey xalqaro tashkilot rahbari lavozimidan ketdi.
“Bugun 7 oktabrda Interpolning Liondagi bosh kotibiyati janob Men Xunveyning Interpol prezidenti sifatida o‘z vakolatlarini zimmasidan soqit qilish haqidagi iltimosnomani oldi”, deyilgan xabarda.
Unda tashkilot qoidalariga ko‘ra, Interpol prezidenti lavozimini katta vitse-prezident Kim Chon Yan egallashi ko‘rsatilgan.
Interpolning yangi rahbari saylovlari tashkilot bosh assambleyasining BAAda 18-21 noyabrda o‘tadigan sessiyasi doirasida bo‘lib o‘tadi.
