Кремль россиялик зобитларнинг кибержиноятларига муносабат билдирди
![](https://storage.kun.uz/source/3/0UJN3x4hw7tZUcB8XMzHokshyr-c7q54.jpg)
Фото: Новодережкин Антон / ТАСС
Кремль Нидерландия ва Америка Қўшма Штатларининг Россия армияси зобитлари томонидан содир этилган киберҳужумларга оид баёнотлари туфайли мамлакат Бош штаби ҳамда Мудофаа вазирлигида истеъфолар юз бермаслигини билдирди. Бу ҳақда Россия президенти матбуот котиби Дмитрий Песков 8 октябрь, душанба куни маълум қилди, дея хабар беради «Интерфакс».
«Бундай турдаги маълумотлар, табиийки, бундай қарор учун асос бўла олмайди», - деди Песков.
4 октябрда Вашингтон етти нафар россияликни Қўшма Штатлардаги жисмоний ва юридик шахсларга, шунингдек, бутун дунё бўйлаб компаниялар ҳамда халқаро ташкилотларга киберҳужумлар содир этишда айблади. АҚШ Адлия вазирлигининг билдиришича, уларнинг ҳаммаси «Россия армияси зобитлари ҳисобланади».
Улардан тўрт нафари Нидерландия томонидан Кимёвий қуролларни тақиқлаш ташкилоти (КҚТТ)га хакерлик ҳужумини амалга оширишга уринишда айбланмоқда.
Октябрь ойининг бошида оммавий ахборот воситалари APT28 хакерлик гуруҳининг Россия разведкаси билан алоқаси борлиги ҳақида ёзганди.
Эслатиб ўтамиз, аввалроқ Sky News ГРУ агентларига қарши айбловлар Россияга «камситувчи зарба» бергани ҳақида ёзганди.
Мавзуга оид
![](https://storage.kun.uz/source/thumbnails/_medium/10/qLWbaYOEsQBKN3yRY7rmwx33nL4g-xSt_medium.jpg)
20:59 / 07.09.2024
Россиядаги омборда ўзбекистонлик ишчи ҳалок бўлди
![](https://storage.kun.uz/source/thumbnails/_medium/10/YAkQKullZcnyDAwIaMzuLVxpzQGtpARy_medium.jpg)
18:44 / 07.09.2024
Украинада ҳалок бўлган Россия армияси вакиллари орасида ўзбекистонликлар ҳам бор – ОАВ
![](https://storage.kun.uz/source/thumbnails/_medium/10/fxlETeUC1B3xkjGTR1P5fOzZAJYTo0TQ_medium.jpg)
15:14 / 07.09.2024
Литва Россия билан чегарадаги кўприк мудофаасини мустаҳкамламоқда
![](https://storage.kun.uz/source/thumbnails/_medium/10/Pqh9K9SiayDuT4BlmBsybJuc1nvhIEik_medium.jpg)
12:00 / 07.09.2024