Интерпол собиқ раҳбарининг рафиқаси таҳдидлар ҳақида маълум қилди

Интерпол собиқ раҳбари Мэн Хунвейнинг рафиқаси Грейс Мэн ўз ҳаёти учун ташвишда эканлигини маълум қилди. Бу ҳақда у CNN’га берган интервьюсида айтиб ўтди.

Интерпол президенти лавозимини эгаллаган Мэн Хунвей сентябрь ойининг охирида йўқолиб қолди. Кейинчалик, у Хитойда ҳибсга олингани, ҳукумат уни коррупцияда гумон қилаётгани аниқланди. Хунвей ташкилот раҳбари лавозимидан истеъфога чиқарилди.

Грейс Мэннинг тан олишича, турмуш ўртоғи ғойиб бўлганидан кейин унга номаълум шахс таҳдидлар билан қўнғироқ қилган. Шунингдек, унинг айтишича, отаси билан нима юз берганини ўзининг икки нафар етти ёшли ўғилларидан яшириб келмоқда.

Эслатиб ўтамиз, аввалроқ Хитойда Интерпол собиқ раҳбари коррупцияда гумон қилинаётгани хабар берилганди.