Xitoyda Interpol sobiq rahbari korrupsiyada gumon qilinmoqda

Foto: DPA

Interpol sobiq prezidenti korrupsiyada gumonlanmoqda. Bu haqda TASS Xitoy Jamoat xavfsizligi vazirligiga asosan xabar berdi.

Avvalroq, Xitoy hukumati tomonidan ushlangani aytilayotgan Interpol prezidenti Men Xunvey xalqaro tashkilot rahbari lavozimidan ketgani xabar qilingandi.

Undan avval Men Xunveyning rafiqasi Greys Men eri yo‘qolishi oldidan unga pichoq surati ilova qilingan xabar jo‘natgani haqida ma'lumot bergandi.

Xitoy tomonining ma'lum qilishicha, Xitoyda jamoat xavfsizligi vaziri o‘rinbosarini egallovchi Men Xunvey qonunni buzishda ayblanmoqda va unga nisbatan tergov olib borilmoqda.