Спорт | 01:51 / 11.10.2018
17162
3 дақиқада ўқилади

Азиз Ҳайдаров: «Терма жамоада катта ижобий ўзгаришлар бор» (МТЖ машғулотларидан видеорепортаж)

Айни пайтда КХДР ва Қатар терма жамоалари билан бўладиган ўртоқлик ўйинларига тайёргарликни давом эттираётган Ўзбекистон терма жамоаси машғулотларни Тошкент темир йўл муҳандислари институти стадионида олиб бормоқда. Навбатдаги тайёргарлик машқларига чиқишдан олдин терма жамоа ярим ҳимоячиси Азиз Ҳайдаров «Kun.uz» мухбири билан суҳбатда бўлди.

Video thumbnail
{Yii::t(}
Ўтказиб юбориш 6s

– Сиз бразилиялик мутахассис Луис Фелипе Сколари қўл остида «Бунёдкор»да тўп сургансиз. Эктор Купер аргентиналик, яъни у ҳам Жанубий Америка вакили. Сколари узоқ давом этмаган мураббийлик фаолияти давомида ўзбек футболини бир қадам олдинга силжитиб, ўзига хос из қолдирганди. Купер ҳам ўзбек футболига катта ижобий таъсир кўрсатади, деб тахмин қила оласизми?
– Мураббийнинг ишига баҳо бера олмайман. Негаки, жуда оз вақт ўтди. Аммо терма жамоада турли футболчиларни йиғиб, синаб кўраётгани жуда тўғри деб ўйлайман. Чунки баъзи ўйинчилар клубида бошқача, терма жамоага келганда умуман бошқача ўйин кўрсатиши мумкин, деб ҳисоблайман. 10 йилдан ортиқ вақт давомида миллий терма жамоада ўйнаб, ўз клубида яхши эмас, аммо терма жамоада ажойиб ўйнайдиган футболчиларни ҳам кўрдим.

– Бу Эктор Купер бошқарувидаги биринчи йиғин эмас, шундан келиб чиқиб янги бош мураббий келганидан сўнг ўтган вақт давомида терма жамоада қандай ўзгаришларни сездингиз?
– Ҳали бирон нарса дейиш қийин, лекин ижобий ўзгаришлар жуда катта деб айта оламан. Интизом жуда кучли. Ҳамма нарса ўз вақтида. Машғулотлар хилма-хил. Бу бизга янгидек туюляпти. Бундан фақат футболимиз ўсади, деб ўйлайман.

– Терма жамоанинг муваффақияти учун футболчилардан биринчи навбатда нима талаб этилади?
– Фақат ишлаш керак. [Натижа] фақат мураббийгагина боғлиқ эмас. Руҳий тетиклик, ғалабага бўлган ирода футболчиларимиз ичида ҳам бўлиши керак. Ҳар битта ўйин ҳаётингдаги энг муҳимидек майдонга тушиш керак, деб ўйлайман. Юракдан ўйнаш керак, нима бўлганда ҳам. Миллий терма жамоа учун ўйнаш керак. Ана ўшанда футболимиз ўсади. Ана ўшанда футболчиларимиз четга чиқади. Қачонки миллий терма жамоамиз ижобий натижаларга эришса», - дея таъкидлаб ўтди Азиз Ҳайдаров.

Маълумот учун, аввалроқ аргентиналик мутахассис Эктор Купернинг фаолияти ва машғулот жараёнларига оид баъзи янги тафсилотлар эълон қилинган эди.

Ўзбекистон терма жамоаси машғулотларидан репортаж. Таркибда ўзгаришлар бор

Мавзуга оид

Эълонлар

Havas Holding Европа компаниялари билан стратегик ҳамкорликни кенгайтирмоқда

JETOUR X50 ва X70 Ўзбекистонда: интеллектуал саёҳатлар учун янги босқич

Тошкентдаги “Gumma-Xonim ” овқатланиш маркази буюртмалар учун cаll-марказни ишга туширди

Келажак учун битим: MARS IT School болалар учун IТ-таълимни ривожлантиришнинг янги босқичига чиқяпти

Havas Holding Европа компаниялари билан стратегик ҳамкорликни кенгайтирмоқда

JETOUR X50 ва X70 Ўзбекистонда: интеллектуал саёҳатлар учун янги босқич

Тошкентдаги “Gumma-Xonim ” овқатланиш маркази буюртмалар учун cаll-марказни ишга туширди

Келажак учун битим: MARS IT School болалар учун IТ-таълимни ривожлантиришнинг янги босқичига чиқяпти

Havas Holding Европа компаниялари билан стратегик ҳамкорликни кенгайтирмоқда

JETOUR X50 ва X70 Ўзбекистонда: интеллектуал саёҳатлар учун янги босқич

Тошкентдаги “Gumma-Xonim ” овқатланиш маркази буюртмалар учун cаll-марказни ишга туширди

Келажак учун битим: MARS IT School болалар учун IТ-таълимни ривожлантиришнинг янги босқичига чиқяпти