Қўшимча функционаллар
-
Тунги кўриниш
«Ўзбекистон учун бунақа ўйнаш асло мумкинмас» — Биродар Абдураимов Азиз Ҳайдаров ва Одил Аҳмедовни саволларга тутди
ЎФА навбатдаги ташқари конгрессининг иккинчи қисмида Терма жамоалар маркази бошлиғи Азиз Ҳайдаров ва миллий жамоа сардори Одил Аҳмедовнинг чиқиши пайтида ўзбек футболи афсонаси Биродар Абдураимов уларга саволлар билан мурожаат қилди.
ЎФА Терма жамоалар бошлиғи Азиз Ҳайдаров сўзга чиқиб, Вадим Абрамовни ўша пайтда энг аввало халқ сайлаганидек, янги бош мураббийни ҳам омма танлаши ҳақида гапиргач, бу ўзбек футболи афсонаси Биродар Абдураимовнинг норозилик оҳангдаги саволларига сабаб бўлди.
«Вадим Абрамовни халқ сайлади? Ким айтди? Қани ўша халқ? Омма сайлади? Қани улар, ҳозир қаерда?», - дея Биродар Ҳасанович томонидан берилган саволларга Азиз Ҳайдаров «Билмасам, миллий жамоада Вадим Абрамов ишласин, деган одам эмасман», - деб жавоб қайтарди.
Йиғилишда сўз навбати Одил Аҳмедовга берилгач, Биродар Абдураимов миллий жамоа сардорига ҳам ўз маслаҳати билан бирга саволларини ҳам берди.
«Сизни ҳимоячи бўлишга ким мажбур қилаяпти? Ахир ҳар доим яримҳимоячи бўлгансиз. Ютишимиз керак бўлганида нега сизни ҳимояда ўйнатди? Тўпни олдириб қўйганингиздан кейин югуриш ҳам керак, ука. Миллий жамоада бунақа ўйнашмайди-ю, тўғрими? Келажакда яна миллий жамоага қайтадиган бўлсангиз, унутманг сиз сардорсиз, қолганларни ортингиздан эргаштиришингиз керак. Мени жуда ранжитгани шу ўйин бўлди. Келажакда ҳали мураббий бўларсиз, аммо Ўзбекистон учун бунақа ўйнаш асло мумкинмас», - деди Биродар Абдураимов Одил Аҳмедовга қарата.
Эслатиб ўтамиз, ушбу йиғилишда Ўзбекистон миллий жамоаси сардори Одил Аҳмедов миллий жамоадаги фаолиятини якунлаганини эълон қилди.
Мавзуга оид
11:56 / 20.12.2021
«Энди менинг биринчи мухлисим йўқ». Одил Аҳмедов фаолиятини якунлагани сабаби ва энди нима иш қилишини айтди
23:05 / 18.12.2021
«Одил – Биродар Абдураимов, Миржалол Қосимов каби ўзбек футболи тарихидан жой олди». Абдусалом Азизов Аҳмедовга «олтин бутса» топширди
19:24 / 18.12.2021
«Пахтакор» 25-рақамли либосини Одил Аҳмедовга абадий топширди
19:01 / 18.12.2021