Британия саудиялик амалдорлар санкция рўйхатини тайёрламоқда

Фото: AP/Emrah Gurel

Британия Саудия Арабистони ҳуқуқни муҳофаза қилиш органлари ва ҳукумат идоралари амалдорларининг санкция рўйхатини тайёрламоқда, бу журналист Жамол Қошиқчининг йўқолиб қолиши фонида юз беряпти. Бу ҳақда Independent манбаларга асосан хабар қилди.

Нашр маълумотларига кўра, Қошиқчининг йўқолишига алоқадор бўлиши мумкин бўлган шахслар рўйхати Британия Ташқи ишлар вазирлиги томонидан тайёрланмоқда.

Вазирликнинг ўзи изоҳ бериш ҳақидаги мурожаатга, вазир Жереми Ҳантнинг сўзларига қўшимча қиладиган ҳеч нарса йўқлигини билдирди. Аввалроқ, Британия ташқи ишлар вазири агар Саудия Арабистонига нисбатан журналистнинг йўқолиб қолгани бўйича айбловлар тасдиқланса, бу жиддий оқибатларга олиб келиши мумкин эканини айтганди.

Эслатиб ўтамиз, бундан аввал Жамол Қошиқчи ишида Саудия валиаҳд шаҳзодасига алоқадор янги тафсилотлар маълум қилинганди.

Тайёрлаган Отабек Матназаров

#Саудия Арабистони #Буюк Британия #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди