Washington Post Жамол Қошиқчининг сўнгги мақоласини эълон қилди

The Washington Post газетаси cаудиялик журналист Жамол Қошиқчининг сўнгги мақоласини эълон қилди.

Қошиқчи йўқолиб қолишидан аввал ёзган мақоласида араб оммавий ахборот воситаларида цензура кучайгани ва давлатнинг уларга таъсири ошгани ҳақида айтади.

Хусусан, у араб журналистларининг ҳибсга олинишига алоҳида эътибор қаратган, бу ҳақда маҳаллий оммавий ахборот воситалари деярли ҳеч қандай хабар бермаслигини билдирган.

Эслатиб ўтамиз, аввалроқ ОАВ Қошиқчининг қотиллари Саудия валиаҳд шаҳзодаси билан алоқадор экани ҳақида хабар берганди.