Саудия Арабистони бош прокурори Қошиқчи қасддан ўлдирилганини тан олди

Фото: EPA\UPG

Саудия Арабистони бош прокурори Сауд Ол-Мўжаб журналист Жамол Қошиқчи қасддан ўлдирилганини тан олди. Бу ҳақда Al Arabiya телеканали маълум қилди.

Телеканал маълумотларига кўра, Саудия прокуратураси журналистнинг ўлдирилишига алоқадорликда гумон қилинаётганларга нисбатан терговни давом эттирмоқда.

Бунгача Ар-Риёднинг позицияси журналист Истанбулдаги консулликда сўроқ вақтида чиққан можаро давомида бехосдан ўлдириб қўйилганидан иборат бўлган. Бироқ Туркия президенти Ражаб Тоййиб Эрдўған 23 октябрда қотиллик аввалдан режалаштирилганини айтган.

Тайёрлаган: Шуҳрат Раҳимов

#Саудия Арабистони #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди