Билл Гейтс Қошиқчи иши туфайли Саудия жамғармаси билан ҳамкорликни тўхтатди

Фото: Denis Balibouse/Reuters

Миллиардер Билл Гейтс журналист Жамол Қошиқчи ўлдирилгани муносабати билан Саудиянинг Misk хайрия жамғармаси билан ҳамкорликни тўхтатди. Бу ҳақда The Wall Street Journal ёзмоқда.

«Жамол Қошиқчининг ўғирланиши ва ўлдирилиши жуда катта ташвишга сабаб бўлмоқда», - дея маълум қилди Гейтс фондининг вакили.

Унинг сўзларига кўра, фонд ҳозирги ҳодисаларни ташвиш билан кузатмоқда. Аввалроқ эр-хотин Гейтслар хайрия жамғармаси билан қўшма хайрия ташаббусини ишга туширишмоқчи эди, у турли мамлакатлардан бўлган ёшларнинг соғлиқни сақлаш ва ривожланиш соҳасидаги инновацион лойиҳаларини қўллаб-қувватлашга қаратилганди.

Эслатиб ўтамиз, аввалроқ АҚШ Саудияга қарши санкциялар бўйича қачон бир қарорга келиши айтилганди.

Тайёрлаган Отабек Матназаров

#Саудия Арабистони #Билл Гейтс #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди