«Наркотрафикка алоқадор». АҚШда Гондурас президентининг укаси ушланди

Майямида Гондурас президенти Хуан Орландо Эрнандеснинг укаси бўлган Хуан Антонио Эрнандес қўлга олинди. Бу ҳақда Reuters хабар қилмоқда.

Агентлик маълумотларига кўра, у наркотрафикка алоқадор бўлиши мумкинлиги учун қўлга олинган.

Қайд этилишича, Гондурас президенти ўз укаси атрофидаги вазиятдан хабардор.

Шу билан бирга, Гондурас раҳбари маълум қилишича, укасининг қўлга олиниши «бутун оила учун оғир зарба».

Эслатиб ўтамиз, аввалроқ Гондурас президенти қаҳва ишлаб чиқарувчилар блокини ташкил этиш ниятида эканини маълум қилганди.