![](https://storage.kun.uz/source/3/H1H-uOO1Tx8TPetIJ3zlWLSUYJ0FvBpB.jpg)
«Ювентус» ҳужумчиси Криштиану Роналдудан «Барселона» сардори Лионель Месси билан рақобати ҳақида фикр билдиришни сўрашди.
La Gazzetta dello Sport мухбирининг: «Мессини соғиндингизми?» қабилидаги саволига Роналду қуйидагича жавоб берди: «Йўқ, эҳтимол у мени соғингандир!»
Шундан сўнг португалиялик юлдуз аргентиналик ҳамкасбини А Серияда кўриш истаги йўқ эмаслигини билдирди.
«Мен Англияда, Испания ва Италияда, Португалияда ва терма жамоада ўйнаб чиқдим, у эса ҳамон Испанияда. Балки мен унга кўпроқ керакдирман.
Мен учун, ҳаёт – синов демакдир. Бу синовлар олами менга ёқади, одамларни бахтли қилишни ёқтираман. У ҳам бир кун келиб Италияга келишини, худди мен каби ўзини синов ва қийинчиликка уришини истаган бўлардим.
Шундай бўлса-да, агар у ўзини клубида бахтли ҳис этаётган бўлса, бу танловини ҳурмат қиламан.
У – фантастик футболчи ва ажойиб йигит. Лекин мен барибир ҳеч нарсани соғинаётганим йўқ. Бу – менинг янги ҳаётим ва унда бахтлиман», - деб айтиб ўтди Роналду.