Қўшимча функционаллар
-
Тунги кўриниш
Австралия Ал-Қудсни Исроил пойтахти деб тан олди – ОАВ
Фото: Reuters
Австралия ҳукумати Ал-Қудснинг Исроил пойтахти деб тан олиниши ҳақидаги қарорни қабул қилди.
Ушбу қарор миллий хавфсизлик масалалари бўйича тор доирадаги маҳкамада маъқулланган ва 11 декабрда янги бош вазир Скотт Моррисон бошчилигидаги ҳукумат йиғилишида эълон қилинади. Бу ҳақда Австралия ОАВга иқтибос келтирган ҳолда NEWSru Israel интернет-нашри маълум қилди.
Бироқ Канберра Тел-Авивдаги элчихонасини Ал-Қудсга кўчирмай, у ерда консуллик очиш билан кифояланиб қолмоқчи.
Австралиянинг SBS телерадиокомпаниясининг юқори мансабдор шахсларга иқтибос келтирган ҳолда маълум қилишича, элчихонанинг Ал-Қудсга кўчирилишидан воз кечишга бунинг учун катта маблағ – 200 млн доллар талаб этилиши сабаб ҳисобланади.
Айни вақтда Ал-Қудсда АҚШ ва Гватемала элчихоналари фаолият юритади. Парагвай элчихонасини Ал-Қудсга кўчиргандан бир неча ой ўтиб уни яна Тел-Авивга қайтарган. Ноябрда қадимий шаҳарда Чехия уйи очилган, бироқ Чехия Европа Иттифоқи сиёсатига қарши бориб, элчихонасини кўчириш ниятидамас.
Шунингдек, Бразилиянинг янги президенти Жаир Болсонару ҳам мамлакат элчихонасининг Ал-Қудсга кўчириш истагини билдирган.
Тавсия этамиз
Сўнгги янгиликлар
Мавзуга оид
11:33
Уиткофф: Ҳамас Исроил билан сулҳ бўйича келишувни рад этди
20:40 / 26.05.2025
Уиткофф ҲАМАС ўт очишни тўхтатишга тайёр деган даъволарни рад этди
19:43 / 26.05.2025
ҲАМАС АҚШнинг Ғазо секторида ўт очишни тўхтатиш таклифига рози бўлди — Reuters
08:23 / 23.05.2025
АҚШда исроилликларни отиб ўлдирган шахсга айблов қўйилди
