Европа парламенти Россиядан гумонланмоқда

Европа парламенти Керч бўғозидаги ҳодисани Россиянинг «Азов денгизида Украинани суверен ҳуқуқлардан маҳрум қилишга» уриниши, деб ҳисоблайди. Бу ҳақда RT резолюцияга тузатишлар матнига асосан хабар бермоқда.

Европа парламенти фикрига кўра, Россия Азов денгизини «ички кўл»га айлантирмоқчи ва уни фақат ҳарбий зона кўринишига келтирмоқчи.

«Европа парламенти чуқур ташвишда эканини билдиради. Бу ҳолат Украинани Азов денгизидаги суверен ҳуқуқларидан маҳрум қилишга уриниш бўлиши мумкин. Денгиз Россиянинг «ички кўл»ига айлантирилиши, ҳарбий зона кўринишига келтирилиши ҳамда жануби-шарқий Украина иқтисодиётини назорат остига олиниши эҳтимоли мавжуд», - дейилади Европа парламенти ҳужжатида.

Шунингдек, Европа парламенти Европа иттифоқига аъзо давлатларни Россияга нисбатан янги санкциялар жорий этишга чақирди.

Эслатиб ўтамиз, аввалроқ Украина ва Россия ўртасидаги зиддиятда Биринчи жаҳон уруши сценарийси кузатилгани хабар берилганди.