Қўшма Штатлар президенти Дональд Трамп Канадада қўлга олинган Huawei молиявий директори Мэн Ваньчжоунинг ишига аралашиши мумкинлигини истисно этмади. Бу ҳақда Reuters хабар бермоқда.
Давлат раҳбарининг сўзларига кўра, у бу борада мамлакат манфаатларидан келиб чиқиб иш кўради.
«... агар мен бу қачонлардир имзоланган энг йирик савдо битимига айланиши учун яхши бўлади, деб ҳисобласам , мен албатта аралашаман», - дея маълум қилди Трамп.
Аввалроқ, Huawei молиявий директори гаров пули эвазига озодликка чиқарилганди.
Мэннинг озодликка чиқарилиши учун 10 млн Канада доллари (7,5 млн доллар) миқдорида гаров пули киритиш лозим бўлган. Гаров пулини аёлнинг турмуш ўртоғи ва 4 нафар дўсти ҳамда собиқ ҳамкасби тўлаб берган. Энди Мэн Хитой ва Гонконг паспортини топшириб, Ванкувердаги уйида ҳибсда қолиши мумкин.
Эслатиб ўтамиз, бундан аввал Япония Хитойга қарши курашда АҚШни қўллаб-қувватлагани хабар қилинганди.
