ЕЧЛ плей-оффининг барча иштирокчилари маълум. Кимлар Европа Лигасида курашади?

Чемпионлар лигасида гуруҳ босқичи ортда қолди. Кеча кучли ўн олтиталикнинг сўнгги аъзоси «Лион» бўлиши аниқланди.

Қуйидаги жамоалар ўз гуруҳлари ғолиби сифатида кейинги босқичга йўл олди: «Боруссия Д», «Барселона», «ПСЖ», «Порту», «Бавария», «Манчестер Сити», «Реал», «Ювентус».

Иккинчи ўрин билан плей-оффга чиққан клублар эса қуйидагилар бўлди: «Атлетико», «Тоттенхэм», «Ливерпуль», «Шальке», «Аякс», «Лион», «Рома», «Манчестер Юнайтед».

Учинчи ўрин соҳиблари эса курашни Европа Лигасида давом эттиришади: «Брюгге», «Интер», «Наполи», «Галатасарай», «Бенфика», «Шахтер», «Виктория», «Валенсия».

Мусобақа билан хайрлашган жамоалар эса қуйидагилар: «Монако», ПСВ, «Црвена Звезда», «Локомотив», АЕК, «Ҳоффенҳайм», ЦСКА, «Янг Бойз»

Нимчорак финал қуръаси 17 декабрь, душанба кунига белгиланган. Гуруҳда биринчи ва иккинчи ўринни олганлар жой олган алоҳида иккита саватчага ажратилади. Қуръа қоидасига кўра иштирокчилар ўз гуруҳдошлари ёки ўз мамлакатининг бошқа бир клуби билан тўқнаш келиши мумкин эмас.

Қайд этиш керак, ЕЧЛда Англиянинг тўрттала жамоаси ҳам минимум вазифани уддалай олди. Испания ва Германиядан учтадан клуб гуруҳдан чиққан бўлса, Италиянинг тўрт клубидан фақат иккитаси соврин учун курашни давом эттирадиган бўлди.