New York Times  тадқиқотидан сўнг Facebook акциялари нархи 7,2 фоизга пасайди

19 декабрь куни The New York Times газетасида Facebook’нинг фойдаланувчилар шахсий маълумотлари билан махфий иши ҳақидаги мақола чоп этилди. Унга кўра, ижтимоий тармоқ Netflix, Spotify, Sony, Amazon, Microsoft, Apple, «Яндекс» каби 150 дан ортиқ компанияга маълумотлар тақдим этган.  

Компаниянинг ўзида мазкур айбловлар рад этилмоқда: Facebook вакиллари ижтимоий тармоқнинг бирор бир жиҳози бегона компанияларга фойдаланувчилар рухсатисиз уларнинг маълумотларини узатишмайди. 

Мақоладан кейин компания акцияси нархи 133,24 долларгача пасайди, Facebook капитализацияси 382 миллиард долларга баҳоланмоқда. 2018 йил бошидан буён ижтимоий тармоқ акциялари 22 фоизга арзонлашди. 

2018 йилнинг мартида, яъни Facebook’нинг фойдаланувчилар маълумотлари уланиши ва Cambridge Analytica билан боғлиқ можароларга қадар Марк Цукерберг Bloomberg Billionaires Index рейтингида тўртинчи ўринни эгаллаган. Янги можародан кейин унинг молиявий ҳолати 3,96 миллиард долларга қисқарган, ишбилармоннинг ўзи эса Bloomberg рўйхатининг еттинчи поғонасига пастлаган. 

Гап шундаки, The New York Times газетаси Facebook фаолиятига доир янги тадқиқотни чоп этган, у компаниянинг юзлаб ички ҳужжатлари ва ижтимоий тармоқнинг собиқ ходимлари ва шериклари билан 60 дан зиёд интервьюни ўз ичига олган. 

Мақолада Facebook фойдаланувчилар шахсий маълумотларини сир тутишга берган ваъдасига қарамай, барибир яширин тарзда ўнлаб йирик технологик компаниялар билан ишлаётгани, улар билан шартномалар тузаётгани ва ёпиқ маълумотларга кириш имконини бераётгани ҳақида сўз юритилган. 

Компаниялар Facebook фойдаланувчиларининг электрон почтаси, телефон рақамлари ва бошқа маълумотларига уларнинг рухсатисиз  кириш имконини қўлга киритишган.