Пeкинда Ўзбекистон-Хитой вазирликлараро маслаҳатлашувлари бўлиб ўтади

24 декабрь куни Пекин шаҳрида Ўзбекистон ва Хитой ташқи ишлар вазирликлари ўртасидаги сиёсий маслаҳатлашувларнинг навбатдаги раунди бўлиб ўтади. Бу ҳақда Ўзбекистон ТИВ матбуот хизмати хабар бермоқда.

Хабарда айтилишича, унда Ўзбекистон ташқи ишлар вазири ўринбосари Дилшод Ахатов бошчилигидаги делегация иштирок этади.

Бугунги кунда Ўзбекистон ва Хитой ўртасидаги алоқалар янада ривожланиб бормоқда. Хусусан, Ташқи ишлар вазирлигининг Сенатга берган ҳисоботида айтилишича, яқин кунларда Гуанчжоу шаҳрида Ўзбекистон Республикаси консулхонаси очилиши кутилмоқда.