Фото: РИА Новости
Магнитогорск шаҳрида қисман қулаган уй вайроналари остидан қутқарувчилар бир эркак ва икки аёл кишининг жасадини чиқариб олишди. Фожиа қурбонларининг умумий сони ҳозирги вақтда 36 кишини ташкил этмоқда. Бу ҳақда ТАСС Россия ФВВ матбуот хизматига таянган ҳолда хабар берди.
«Икки аёл ва бир эркак кишининг жасади чиқариб олинди. Ҳалок бўлганлар - 36 нафар», - дея хабар беришган матбуот хизматидан.
Айни пайтда яна беш кишининг тақдири номаълумлигича қолмоқда.
Чоршанба, 2 январь куни кечқурун қутқарувчилар 33-қурбон жасадини вайроналар остидан чиқариб олишди.
Эслатиб ўтамиз, аввалроқ Магнитогорскда йўналишли таксидан уч кишининг жасади топилгани, тергов уйдаги портлаш теракт эмаслигини билдираётгани хабар қилинганди.
