Франция шарқида Mirage 2000D қирувчи самолёти йўқолиб қолди

Фото: Lodoïs Gravel. France 3 Lorraine

Франция ҲҲКга қарашли Mirage 2000D қирувчи самолёти мамлакат шарқида радарлар экранидан ғойиб бўлди, деб хабар берди France Info радиостанцияси.

Бортида икки киши бўлган самолёт Нанси-Ошдаги авиабазадан туш пайтига яқин ҳавога кўтарилган. Қирувчи самолёт Юра тоғли маскани устидан учиб ўтаётганида у билан алоқа йўқолган.

Департамент префектураси йўқолган самолётни қидириб топиш бўйича операция бошлади.

Dassault Mirage 2000 – Франциянинг 1970-йилларда ишлаб чиқарилган қирувчи самолёти.1990-йилларда 2000D самолёти модификация қилинган бўлиб, жами 86та 2000D самолёти ишлаб чиқарилган.