ЕИ Эронга нисбатан терроризмга қарши санкцияларни кенгайтирди

Европа иттифоқи Эронга қарши санкциялар рўйхатини террористик фаолиятда айбловлар билан кенгайтирди. Бу ҳақда Reuters хабар қилмоқда.

Агентлик маълумотларига кўра, унга яна икки жисмоний шахс, шунингдек, Эрон Разведка вазирлигининг ички хавфсизлик бошқармаси киритилди.

«Кенгаш томонидан рўйхатнинг ушбу кенгайтирилиши Европага сўнгги вақтларда кузатилган ҳужум қилишга уринишларга жавобдир», - дейилади баёнотда.

Таъкидланишича, чеклов чоралари яна бир йилга узайтирилди.

Эслатиб ўтамиз, аввалроқ Эрон АҚШ соҳиллари яқинига жанговар кемаларини жўнатиши хабар берилганди.