Сўхда ёнғин: бир кишининг жасади топилди

2019 йил 9 январь куни Фарғона вилоятининг Сўх туманида яшовчи Ў.А.нинг уйида ёнғин содир бўлган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилишича, кўрилган чоралар натижасида ёнғин ўчирилган. 

Оқибатда уйининг 180 кв.м. майдонида том ва ички қисмлари ёниб зарар кўрган ҳамда ёнғин ўчириш вақтида уй эгасининг ўғли Қ.А.ни куйган ҳолдаги жасади топилган. 

Ёнғин келиб чиқиш сабаби аниқланмоқда, дейилади хабарда.