Надаль матбуот анжуманида ухлаб қолган журналистни уйғотиб юборди

Фото: Видеодан кадр

Испаниялик теннисчи Рафаэль Надаль Australian Open’даги беллашувдан сўнг ўтказилган матбуот анжуманида ухлаб қолган журналистни уйғотиб юборди. Видео ESPN Tennis’нинг Instagram-аккаунтида пайдо бўлган.

Надаль саволга жавоб қайтариб, италиялик мухбир Убальдо Сканагатта ухлаб ётганини айтган. Надаль у томонга жиддий қараган ва шундай деган: «Бугун унчалик қизиқ эмас». Журналистни ҳамкасбларининг кулгиси уйғотиб юборди. «Бу жетлаг (организмнинг вақт минтақалари ўзгаришига табиий реакцияси - таҳр.)», - дея теннисчининг олдида ўзини оқлаган у. «Қўрқинчли эмас. Биламан, сиз сўзларни яхшироқ тушуниш учун кўзингизни юмиб олгансиз», - дея ҳазиллашган Надаль.

View this post on Instagram

A post shared by ESPN Tennis (@espntennis) on Jan 13, 2019 at 9:16pm PST

Australian Open’нинг биринчи доирасидаги учрашувда 32 ёшли Надаль австралиялик Жеймс Даквортни уч сетда таслим этди (6:4, 6:3, 7:5). Иккинчи доирада испаниялик яна бир австралиялик Мэттью Эбден билан учрашади. Баҳс 16 январь куни бўлиб ўтади.

Надаль - дунёнинг иккинчи ракеткаси. Испаниялик «Катта дубулға» сериясидаги турнирларда 17 марта ғалаба қозонган.

Эслатиб ўтамиз, аввалроқ теннисчи Энди Маррей фаолиятини якунламоқчи экани, матбуот анжуманида у кўз ёшларини тия олмагани хабар берилганди.

#теннис #Рафаэль Надаль