Калитни унутган учувчи самолётга деразадан киришга мажбур бўлди

Самолёт учувчиси дераза орқали кабинага киришга ҳаракат қилди. British Airways ишчиларидан бири Twitter’даги аккаунтида тегишли роликни жойлаштирган. 

Қайд этилишича, кўп ўтмай пост ўчирилган, аммо 12 минг фойдаланувчи уни кўришга улгурди ҳамда бу ҳолат кўпчиликни шокка солган. Daily Mail нашри видеога эътибор қаратди. Ҳодиса Лондондаги Хитроу аэропортида содир бўлган.

«Эҳтимол, мен аниқ савол берарман, лекин наҳотки авиалайнер учун чиндан ҳам калитлар бўлса?» - дея ажабланган баъзилар. «Шуни айтишим мумкинки, бундай ишни фақат асосий эшик ёпиқ бўлганда ва сиз кодни эслай олмаганингизда, қилиш мумкин», - дея тахминини билдирган бошқалар. «Бу жуда ноқулай!» - дея ўз фикрини билдирган яна бошқа бир фойдаланувчи.

Эслатиб ўтамиз, аввалроқ экстремал шароитда энг катта самолётнинг хавфли қўниши видеога олинганди.