Ким Чен Ин Вьетнамга боришни режалаштирмоқда

Фото: AFP

Шимолий Корея етакчиси Ким Чен Ин Вьетнамга расмий ташриф билан боришни режалаштирмоқда. Бу ҳақда Reuters манбаларга таянган ҳолда хабар берди.

Агентлик маълумотларига кўра, Ким Чен Ин февраль ойида Вьетнамга боришни мўлжалламоқда.

Таъкидланишича, Вьетнам Ташқи ишлар вазирлиги ушбу маълумотга изоҳ беришдан бош тортган.

Эслатиб ўтамиз, аввалроқ Bloomberg Трамп ва Ким Чен Ин қаерда учрашишини маълум қилганди.

АҚШ конгресси вакиллар палатасининг ташқи ишлар бўйича қўмитаси аъзоси Майкл Маккол сўзларига кўра, Америка президенти Дональд Трамп ва Шимолий Корея етакчиси Ким Чен Ин Вьетнамда иккинчи учрашувни ўтказиши мумкин.