Мадуро АҚШ билан муносабатларни қайта кўриб чиқишга қарор қилди

Венесуэла президенти Николас Мадуронинг маълум қилишича, Каракас Вашингтон билан муносабатларни бутунлай қайта кўриб чиқади. Бу ҳақда РИА «Новости» хабар берди.

Унинг сўзларига кўра, Венесуэла АҚШ вице-президенти Майк Пенс миллий ассамблея раҳбари Хуан Гуаидони қўллаб-қувватлаб баёнот бергани туфайли «сиёсий чоралар» қўллаш ниятида.

Шунингдек, унинг қўшимча қилишича, ўз баёнотлари билан Пенс «барча қоидаларни бузган».

Мадуронинг таъкидлашича, Венесуэла Пенс «режалаштираётган» давлат тўнтаришини мағлубиятга учратади.

Эслатиб ўтамиз, аввалроқ CNN Трамп Венесуэла мухолифати етакчисини президент деб тан олишни режалаштираётгани ҳақида хабар берганди.