Британия Nissan’га молиявий ёрдам тўғрисидаги қарорни қайта кўриб чиқади 

Буюк Британия ҳукумати Nissan компаниясига 78,5 миллион доллар миқдорида молиявий ёрдам ажратиш тўғрисидаги ўз қарорини қайта кўриб чиқади. Бу ҳақда The Times хабар қилмоқда.

Нашр маълумотларига кўра, бу Nissan Сандерленддаги ўз заводида машиналар бўйича режаларидан воз кечганлиги билан боғлиқ.

Таъкидланишича, Британия вазирлар маҳкамаси бутун соҳа бўйлаб кадрлар тайёрлаш ва уларнинг малакасини ошириш учун маблағ йўналтиришни режалаштирганди.

Эслатиб ўтамиз, аввалроқ Франция Япониядан Renault ва Nissan’ни бирлаштиришни талаб қилганди.