ИИВ: “Тасвирий ойина”даги ўғрилик фош этилди

2019 йил 11 февраль куни Фарғона вилоятининг Ўзбекистон туманида яшовчи, “Тасвирий ойина” ижодий уюшмаси раҳбари Ж.Қ. ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

У шу йил 10 февраль куни номаълум шахс юқоридаги уюшма хонасига калит танлаш йўли билан кириб, у ердан “Асеr” русумли ноутбук ва “Samsung” русумли принтерни ўғирлаб кетганлигини маълум қилган.

Ҳолат юзасидан жиноят иши қўзғатилган. Кўрилган чоралар натижасида ушбу жиноятни Ғаниобод маҳалласида яшовчи Д.Т. (аёл) содир этганлиги аниқланиб, ушланди. 

Тергов ҳаракатлари давом этмоқда, дейилади хабарда.