Трамп КХДР Отто Уормбирнинг ўлими учун масъул эканини маълум қилди

АҚШ президенти Дональд Трамп Америка фуқароси Отто Уормбирнинг ўлими учун Шимолий Корея масъул эканини тан олди.

Бу ҳақда у твиттерда ёзган.

«Мен Шимолий Кореяни Отто билан шафқатсиз муносабатда бўлганлик учун масъул деб ҳисоблайман, айнан шу унинг ўлимига сабаб бўлди», - деб ёзган у.

Отто Уормбир КХДРда девордан тарғибот плакатини юлиб ташлагани учун қамалганди. Ўшанда у 15 йилга озодликдан маҳрум этилди.

Учинчи давлатлар воситачилигидан озодликка чиққан йигит тез орада Америкадаги ўз уйида хасталикдан вафот этди.

Эслатиб ўтамиз, аввалроқ Ким Чен Ин Трампдан нима ҳақида сўрагани маълум бўлганди.