Ўзбекистоннинг 9та ҳудудида қўзиқорин етиштириш йўлга қўйилади

​Россиянинг энг катта қўзиқорин ишлаб чиқарувчиси—«Юг Руси»​ агросаноат корхонаси Ўзбекистонда қўзиқорин етиштиришда фойдали маълумот, илмий-техникавий кўмак кўрсатишга тайёрлигини билдирмоқда, деб хабар беради Kun.uz мухбири.

6 март куни Ўзбекистон Қишлоқ хўжалиги вазирлигида Россия Федерацияси Қишлоқ хўжалиги вазири ўринбосари Сергей Левин иштирокида қишлоқ хўжалигида ҳамкорлик масалалари бўйича тузилган қўшма ишчи гуруҳнинг иккинчи йиғилишида бир қатор масалалар муҳокама этилган. ​

«Ўзбекистон томони тажриба-синов тариқасида мамлакатнинг 9та ҳудудида қўзиқорин етиштириш учун ер-майдон ажратишни таклиф қилди»,​ — дейилади вазирлик ахборотида.

Маълум қилинишича, томонлар кузги ва баҳорги қўзиқорин навларини тажриба-синов тариқасида етиштиришга келишиб олган​. Натижага қараб, келгуси йил учун ер-майдон ҳам танланади. 

«Юг Руси»​ 1992 йилда, дастлаб, ун маҳсулотларини ишлаб чиқариш ва экспорт қилиш билан шуғулланувчи корхона сифатида фаолиятини бошлаган. Айни пайтда корхона писта ёғи ишлаб чиқаришда ҳам катта тажрибага эга.