АҚШ Афғонистон раҳбарининг маслаҳатчиси билан алоқаларни узди

Ҳамидулла Моҳиб/Фото: Pool photo by Salvatore Di Nolfi

АҚШ давлат котибининг сиёсий масалалар бўйича муовини Дэвид Хэйл маълум қилишича, Вашингтон Афғонистон президентининг миллий хавфсизлик бўйича маслаҳатчиси Ҳамидулла Моҳиб билан бошқа ишламайди. Бу ҳақда Reuters хабар тарқатди.

Агентлик маълумотларига кўра, бу қарор Моҳиб АҚШ томонидан асосий музокарачи Залмай Ҳалилзодни очиқчасига танқид остига олгани билан боғлиқ.

Қайд этилишича, Моҳиб Ҳалилзодни толибларни қонунийлаштирганлик ва Афғонистон ҳукуматини «қонунийлик мақом»дан маҳрум қилганликда айблаган.

Шу билан бирга, Хэйл Афғонистон етакчиси Ашраф Ғанини АҚШнинг бу борадаги тегишли қарори тўғрисида хабардор қилган.

Бундан олдин, Абдулазиз Комиловнинг «Толибон» ҳаракати раҳбарияти билан учрашуви бўйича қўшимча маълумот берилганди.