Бразилия АҚШга ракеталарни ўз космодромидан учиришга рухсат берди

Фото: Pilar Olivares/Reuters

Бразилия президенти Жаир Болсонарунинг твиттерда маълум қилишича, Бразилия АҚШга сунъий йўлдошлар ва ракеталарни ўз космодромидан учиришга рухсат берди.

Унинг сўзларига кўра, гап Бразилиянинг Мараньян штатидаги «Алкантара» марказидан тижорий мақсадда фойдаланиш ҳақида кетмоқда.

Шунингдек, унинг қўшимча қилишича, марказ ҳудуди Бразилиянинг юрисдикцияси остида бўлади.

Бундан олдин, АҚШнинг Бразилия бўйича режалари маълум бўлганди.

Reuters’нинг Бразилия ҳукуматидаги икки манбага асосан хабар беришича, Америка расмийлари Бразилия президенти Жаир Болсонарунинг Вашингтонга ташрифи чоғида Бразилияга «НАТОдан ташқаридаги энг асосий иттифоқчи»га (MNNA) айланишни таклиф этиш ниятида.

Тайёрлаган: Отабек Матназаров

#Бразилия #АҚШ #космодром