Фото: wnobserver
Эроннинг Хормузғон вилоятидаги Шаҳид Ражаий портида юзлаб контейнерлар ортилган савдо кемаси чўкиб кетди. Бу ҳақда İRNA ахборот агентлигига иқтибос келтирган ҳолда Trend нашри хабар берди.
Таъкидланишича, кема швартовка қилиш (боғлаб қўйиш) вақтида тўнтарилиб чўка бошлаган.
Mehr нашри маълумотларига кўра, 90 метрлик кемага минерал ва саноат товарлари, жумладан калий хлорид, кальций карбонат, мис концентрати юкланган 153 та контейнер ортилган бўлган.
Воқеа оқибатида экипажнинг 14 аъзосидан 3 нафари жароҳат олган.
