Хитойнинг Чандэ шаҳрида 22 март куни оқшомда туристик автобуснинг ёниши оқибатида 26 киши ҳалок бўлган, 28 киши жароҳат олган. Бу ҳақда South China Morning Post нашри хабар берди.
Таъкидланишича, автобусда ҳаммаси бўлиб 56 киши – 53 йўловчи, 2 ҳайдовчи ва экскурсовод бўлган.
Айни вақтда ҳалокат сабаблари аниқлаштирилмоқда.
Аввалроқ 22 март куни маҳаллий вақт билан соат 19.15да Чанша-Чжанцзяцзе трассасида туристик автобус ҳаракатланиш вақтида номаълум сабабга кўра аланга ичида қолгани маълум қилинганди. Бироқ ҳалок бўлганлар ва жароҳатланганлар сони айтилмаган.
26 people were killed after a tour coach caught fire in Hunan, China pic.twitter.com/BktTPGj3Jw
— China Xinhua News (@XHNews) March 23, 2019