Қишлоқ хўжалиги вазирлигининг ташкилий тузилмасида ўзгаришлар юз беради 

Норматив-ҳуқуқий ҳужжатлар лойиҳалари муҳокамаси порталида “Ўзбекистон Республикаси Президентининг “Ўзбекистон Республикаси Қишлоқ хўжалиги вазирлиги фаолиятини ташкил этиш чора-тадбирлари тўғрисида”ги 2018 йил 17 апрелдаги ПҚ-3671-сон қарорига ўзгартиришлар киритиш тўғрисида”ги президент қарори лойиҳаси жойлаштирилди.

Ҳужжат билан Ўзбекистон Республикаси Президентининг “Ўзбекистон Республикаси Қишлоқ хўжалиги вазирлиги фаолиятини ташкил этиш чора-тадбирлари тўғрисида”ги 2018 йил 17 апрелдаги ПҚ-3671-сон қарорига ўзгартиришлар киритилиши мумкин.

Ўзбекистон Республикаси Президентининг “Ўзбекистон Республикаси Қишлоқ хўжалиги вазирлиги фаолиятини ташкил этиш чора-тадбирлари тўғрисида”ги 2018 йил 17 апрелдаги ПҚ-3671-сон қарорига киритилиши режалаштирилган ўзгартиришлар:

1-илова (Ўзбекистон Республикаси Қишлоқ хўжалиги вазирлигининг ташкилий тузилмаси) қуйидаги таҳрирда баён этилади:

“Ўзбекистон Республикаси Қишлоқ хўжалиги вазирлигининг ташкилий тузилмаси 

Ўзбекистон Республикаси Қишлоқ хўжалиги вазирлиги
Қорақалпоғистон Республикаси Қишлоқ хўжалиги вазирлиги
Вилоятлар қишлоқ хўжалиги бошқармалари
Туманлар (Қувасой шаҳар) қишлоқ хўжалиги бўлимлари
Узумчилик ва виночиликни ривожлантириш агентлиги
Боғдорчилик ва иссиқхона хўжалигини ривожлантириш агентлиги
“Ўззооветтаъминотхизмат” давлат унитар корхонаси
“Қишлоқ хўжалигини стандартлаштириш маркази” давлат унитар корхонаси
“Маъмурий-хўжалик хизмати” давлат унитар корхонаси
Қишлоқ хўжалиги экинлари навларини синаш маркази
Касб-ҳунар коллежлари
“Агроинновация” давлат унитар корхонаси”.