Фото: AFP
Дунёда энг кўп ташриф буюриладиган музейлар рейтингида Париждаги Лувр биринчи ўринни эгаллади. Бу ҳақда The Art Newspaper хабар қилмоқда.
Таъкидланишича, 2018 йилда музейга ўн миллиондан зиёд меҳмон ташриф буюрди, унинг машҳурлиги 26 фоизга ошди.
Аниқлик киритилишича, бунга музейда қўшиқчилар Бейонсе ва Jay-Z’нинг мусиқий клипи тасвирга олингани сабаб бўлган.
Шунингдек, кучли бешликка Пекиндаги Хитой Миллий музейи, Нью-Йоркдаги Метрополитен-музей, Ватикан музейлари ва Лондондаги Тейт Замонавий галереяси, каби музейлар киритилди.
Жорий йил бошида Лувр ташриф буюришлар сони бўйича ўз рекордини янгилаганди.
