Италия А Сериясида 30-турга келиб, пешқадам «Ювентус» ва «Наполи» ўртасидаги фарқ яна уч очкога ортди.
Неаполь клуби сўнгги ўринларда бораётган «Эмполи» майдонига сафар қилиб, 1:2 ҳисобида мағлубиятга учради. Туринликлар эса бир кун олдин «Кальяри»дан ғалаба билан қайтишганди. Натижада финишга саккизта тур қолганда «Юве» энг яқин таъқибчисидан 18 очкога илгарилаб кетди.
Чоршанба куни Римнинг икки клуби «Рома» ва «Лацио» ҳам очко йўқотди. «Бўрилар» ўз уйларида «Фиорентина» билан дуранг ўйнашди – 2:2. «Лацио» эса сафарда СПАЛга енгилди – 0:1. Эндиликда жадвалнинг 5-8-ўринларидаги тўрт жамоа – улар қаторида «Рома» ва «Лацио» ҳам бор – ҳисобида 48тадан очко мавжуд.
Миланнинг «Интер» клуби эса «Женоа» майдонида 4:0 ҳисобида ғалабага эришди. Ушбу баҳсда деярли икки ой ўйинларда қатнашмаган ҳужумчи Мауро Икарди «нерадзурри»нинг асосий таркибида майдонга тушди ва 40-дақиқада пенальтидан гол урди. Эслатиб ўтамиз, 3-ўриндаги «Интер»нинг энг яқин таъқибчиси – «Милан» бир кун олдин ўз уйида «Удинезе» билан дуранг ўйнаганди – 1:1.
Италия чемпионати
30-тур, 3 апрель
Эмполи – Наполи 2:1 (1:1, 1:0)
Голлар: 1:0 – 28 Фариас, 1:1 – 44 Зелиньски, 2:1 – 52 Ди Лоренцо.
Наполи – Мерет, Малькюи (Верди, 76), Кулибали, Луперто, Мариу Руй, Аллан, Зелиньски, Кальехон, Уна (Мертенс, 57), Юнес (Фабиан Руис, 58), Милик.
Рома – Фиорентина 2:2 (1:1, 1:1)
Голлар: 0:1 – 12 Пеццелья, 1:1 – 14 Дзаньоло, 1:2 – 51 Жерсон, 2:2 – 57 Перотти.
Рома – Миранте, Сантон (Карсдорп, 68), Фасио, Жезус, Коларов, Кристанте, Нзонзи, Клюйверт (Пеллегрини, 58), Дзаньоло (Ундер, 75), Перотти, Жеко.
Фрозиноне – Парма 3:2 (2:1, 1:1)
Голлар: 1:0 – 12 Пинамонти, 1:1 – 18 Барилла, 2:1 – 45 Вальцаниа, 2:2 – 58, пенальти Чераволо, 3:2 – 90, пенальти Чиофани.
СПАЛ – Лацио 1:0 (0:0, 1:0)
Гол: 1:0 – 89, пенальти Петанья.
Женоа – Интер 0:4 (0:2, 0:2)
Голлар: 0:1 – 15 Гальярдини, 0:2 – 40, пенальти Икарди, 0:3 – 54 Перишич, 0:4 – 80 Гальярдини.
Интер – Ханданович, Д`Амброзио, Миранда, Шкриньяр, Асамоа, Гальярдини, Брозович (Жоау Мариу, 66), Политано (Валеро, 74), Наингголан, Перишич, Икарди (Кейта Бальде, 80).
Четлатиш: Ромеро (39, Женоа).
Торино – Сампдория 2:1 (2:0, 0:1)
Голлар: 1:0 – 33 Белотти, 2:0 – 45 Белотти, 2:1 – 83 Габбьядини.
2 апрель
Милан – Удинезе 1:1 (1:0, 0:1)
Голлар: 1:0 – 44 Пионтек, 1:1 – 64 Лазанья.
Кальяри – Ювентус 0:2 (0:1, 0:1)
Голлар: 0:1 – 22 Бонуччи, 0:2 – 85 Кин.
4 апрель
22:00. Сассуоло – Кьево
23:59.Аталанта – Болонья
