Тожикистон президенти расмий ташриф билан Москвага келди

Фото: РИА Новости / Михаил Воскресенский

Тожикистон президенти Эмомали Раҳмон Россияга икки кунлик ташриф билан келди. Бу ҳақда ТАСС хабар берди.

Кремль матбуот хизматининг маълум қилишича, Россия президенти Владимир Путин 17 апрель куни Тожикистон президенти билан кун тартибидаги икки томонлама масалалар ва минтақавий муаммоларни муҳокама қилади.

Хабарда айтилишича, ташриф якунлари бўйича қатор қўшма ҳужжатлар имзоланиши режалаштирилган.

Эслатиб ўтамиз, апрель ойи бошида Қозоғистон президенти Қасим-Жомарт Тоқаев Россияга ташриф билан келганди.