Foto: akorda.kz
Qozog‘iston prezidenti Qosim-Jomart Toqayev rasmiy tashrif bilan Rossiyaga keldi. Bu haqda TASS xabar bermoqda.
Bu Qozog‘iston yangi prezidentining xorijga ilk tashrifidir.
Kreml matbuot xizmatining xabar qilishicha, ikki davlat rahbarlari ikki tomonlama munosabatlarning dolzarb mavzulari, Yevrosiyo hududidagi integratsion jarayonlarning borishi hamda mintaqadagi dolzarb masalalarni muhokama qilishadi.
Muzokaralar yakuniga ko‘ra ikki tomonlama hujjatlar imzolanishi rejalashtirilgan.
19 mart kuni Qozog‘iston prezidenti Nursulton Nazarboyev o‘z vakolatlarini topshirdi. 20 mart kunidan boshlab Toqayev Qozog‘iston prezidenti vazifasini bajarishga kirishdi.
