Украинада сайлов давом этмоқда

Украиналиклар сиёсий тажрибага эга бўлмаган актёрни президентлик лавозимига лойиқ кўрмоқда. Якшанба куни ўтказилаётган мамлакат президентлик сайловининг иккинчи турида Владимир Зеленский номзоди кўпроқ овозга эга бўлмоқда, деб хабар бермоқда Рейтерс. 

Шарқий минтақада фуқаролик уруши авж олган, иқтисодий-ижтимоий ислоҳотлар баҳорини соғинган Украина халқи янги сиёсий режим иродаси билан муаммоларга ечим изламоқда.

Телесериалда президент ролини қойилмақом тарзда ижро этган Владимир эндиликда ҳақиқатан давлат раҳбари бўлиши мумкин. Шунга қарамай, катта ёшдаги сайловчилар амалдаги президент Петро Порошенко номзодини маъқуллашини билдирмоқда. Гап шундаки, Порошенко украиналикларга визасиз ЕИга бориш, Киев черкови мустақиллигини бера олди. Зиддиятли ва мурракаб даврда тўпланган тажриба унга асқотиши мумкин. 

Зеленский ҳам Ғарбий сиёсат курсидан оғишмай иш тутишини билдираркан, президент алмашинуви ички сиёсатни мустаҳкамлаш ва иқтисодий барқарорликка олиб боришини айтмоқда.