Ўзбекистоннинг туристик салоҳияти Токио метросида реклама қилинмоқда  

Ўзбекистоннинг туристик салоҳияти Токио метросида реклама қилинмоқда. Қўҳна Самарқанд ва Бухоронинг диққатга сазовор тарихий жойларининг ранго-ранг суратлари акс этган реклама баннерлари Токио метросининг “Shinjuku”, “Otemachi” ва “Ikebukuro” станцияларида жойлаштирилган.    

Реклама баннерларидаги “Ўзбекистон – Буюк Ипак йўлининг юрагига хуш келибсиз” чақириғи ва Ўзбекистоннинг ёрқин суратлари японияликларни бефарқ қолдирмаслиги керак. 

Япония пойтахти метросидаги реклама кампанияси Кунчиқар мамлакат аҳолисини ўзига жалб қилиши ва олис юртдан Ўзбекистонга сайёҳлар оқимининг янада кўпайишига туртки бериши кутилмоқда.