Венесуэла мухолифати мамлакатнинг АҚШдаги элчихонаси биносини эгаллади

Венесуэла мухолифати мамлакатнинг Вашингтон шаҳрида жойлашган дипломатик миссиясини ўз назоратларига олишган. Бу ҳақда 24 май, жума куни Венесуэла мухолифатининг АҚШдаги вакили Карлос Веккио ўз Твиттерида маълум қилган.

Апрель ойининг ўрталаридан бошлаб АҚШдаги элчихона биносини президент Мадуро тарафдорлари назорат қилиб келишаётган эди.

«Бизнинг элчихонамиз озод бўлди. Диктатуранинг куни битди», — деб ёзган у.

Viva Venezuela libre desde nuestra Embajada. Se acerca el final de la dictadura. El cambio ya llegó . pic.twitter.com/OG5zKB9ITb

— CARLOS VECCHIO (@carlosvecchio) 24 мая 2019 г.

Эълон қилинган фотосурат ва видеолавҳаларга кўра, Веккио ўз тарафдорлари билан элчихона деразасидан «Озод Венесуэлага шон-шарафлар» ёзуви туширилган баннер ва мамлакат байроғини осаётгани тасвирланган.

Веккиога кўра, мухолифат вакиллари Code Pink америка аксилҳарбий ҳаракати фаоллари элчихонани назорат қилиши мобайнида унга етказилган зарарларни баҳолашни бошлаб юборишган.

Es oficial, cesó la usurpación en la Embajada de TODOS los venezolanos en Estados Unidos. Junto a @carlosvecchio y @GustavoMarcano izamos nuestra bandera. Un gran paso para los migrantes venezolanos y todo nuestro país. Ya no habrá más criminales en esta sede. pic.twitter.com/yiORCl4iZC

— David Smolansky (@dsmolansky) 24 мая 2019 г.

«Айни пайтда Венесуэланинг АҚШдаги дипломатик миссиясига дахлдор бўлган олтита кўчмас мулкнинг барчаси қайтарилган ва ҳимоя остига олинган», — дейишмоқда мухолифатчилар.

Вашингтонда Global Exchange хуқуқни ҳимоя қилиш ташкилоти ва Code Pink америка аксилҳарбий ҳаракати фаоллари Николас Мадуро томонида туриб ҳаракат қилиб келишаётган эди.

Эслатиб ўтамиз, шу йилнинг 23 январида мамлакат пойтахти Каракас шаҳрида бўлиб ўтган митинг чоғида Венесуэланинг президент Мадурога мухолиф парламенти етакчиси Хуан Гуайдо ўзининг муваққат президент деб эълон қилган эди.

Айни пайтгача АҚШ, Канада, шунингдек, Европа ва Лотин Америкасининг бир қатор давлатлари Гуайдони мамлакатнинг легитим президенти сифатида тан олишган. Россия, Туркия ва Хитой ҳанузгача Мадурони қўллаб келишмоқда.