Марадона АПЛ грандини бошқаришга тайёрлигини айтди

Фото: REUTERS

Аргентина футболи юлдузи Диего Марадона «Манчестер Юнайтед» клубини Европа футболи чўққисига қайтара олишига ишонмоқда.

«Манчестер Юнайтед» ҳозир нима билан шуғулланмоқда? Футболка сотиб фойда оляпти. Аслида яна совринларни қўлга киритишни бошлаши лозим. Агар уларга мураббий керак бўлса, мана мен борман. Алекс Фергюсон даврида уларда ажойиб жамоа бор эди. Ҳозирги футболчилардан менга Андер Эррера ёқади. Погба? У жуда ялқов», - деб Марадона сўзларини келтирмоқда Goal.

Эслатиб ўтамиз, айни пайтда Диего Марадона Мексиканинг «Дорадос» клубини бошқаряпти. Ўтган мавсумда унинг жамоаси Мексика юқори лигасига чиқолмаган эди.