Аргентина ва Бразилия ягона умумий валюта жорий этишни муҳокама қилмоқда

Фото: Creative Commons

Аргентина ва Бразилия песо-реал деб номланувчи ягона умумий валюта яратишни муҳокама қилмоқда, бу мавзу икки давлат президентлари учрашуви арафасида тилга олинди, деб хабар берди Infobae портали.

Ушбу мавзу Бразилия ва Аргентина молия вазирларининг ХВЖ ва жаҳон банкида бўлиб ўтган учрашувларида муҳокама қилинган.

Аргентина молия вазирлигидаги манбаларнинг сўзларига кўра, бу ғояни яқин орада амалга ошириб бўлмайди, ҳозирча муҳокама кетмоқда холос.

Аргентина, Бразилия, Парагвай ва Уругвай кирадиган Меркосур (Жанубий Америка умумий бозори) доирасида ягона валютани жорий этиш масаласи анчадан буён мавжуд.