Зеленский 15 нафар губернаторни ишдан бўшатди

Фото: РИА Новости

Украина президенти Владимир Зеленский 15та област маъмурияти раҳбарини истеъфога чиқарди. Бу ҳақда «Украинская правда» хабар берди.

Президент маъмурияти раҳбарининг ўринбосари Руслан Рябошапканинг сўзларига кўра, Чернигов, Хмельницкий, Херсон, Тернополь, Сум, Полтава, Одесса, Николаев, Львов, Кировоград, Киев, Ивано-Франковск, Запорож, Закарпат ва Волин областлари раҳбарлари истеъфога чиқарилган.

Аввалроқ Зеленскийнинг матбуот котиби Юлия Мендель президент барча губернаторларни алмаштириш зарур деб ҳисоблаётганини маълум қилганди.

5 июнь куни Украина ҳукумати 13та област раҳбарини истеъфога чиқаришни режалаштираётгани хабар қилинганди.

Тайёрлаган: Дилшод Аскаров

#губернатор #истеъфо #Зеленский

2019 йил 31 мартда Украина президентлиги учун сайлов ўтказилади. Унда иштирок этиш учун 44 номзод, шу жумладан амалдаги президент Пётр Порошенко ҳужжат топширган.