Фото: Twitter/OfficialAsRoma
«Челси» ҳимоячиси Давиде Дзаппакоста Италияга қайтди.
27 ёшли футболчи «Рома» клубида 6 ой давомида ижарада ўйнайдиган бўлди. Бу муддат тугаганидан сўнг, римликлар уни яна 6 ойга узайтириш имкониятига эга бўладилар. Дзаппакоста «Рома»да 2-рақам остида тўп тепади.
Давиде 2017 йили «Торино»дан 28 миллион евро эвазига «Челси»га ўтган эди. Футболчи лондонликлар таркибида ўзини намоён қилолмади ва 2 йил ичида атиги 24та ўйинда майдонга тушиб, 1та гол урди.
