Ўзбекистон Республикаси Президенти Шавкат Мирзиёев Туркий кенгашнинг навбатдаги саммити тадбирларида иштирок этиш учун Боку шаҳрига келди.
Президент матбуот хизмати хабарига кўра, олий мартабали меҳмонни Озарбойжон бош вазирининг биринчи ўринбосари Ёқуб Аюбов, Ташқи ишлар вазирлиги раҳбарияти ва бошқа расмий шахслар кутиб олди.
Саммитнинг асосий тадбирлари 15 октябрга мўлжалланган. Ташриф доирасида президент қатор икки томонлама учрашувлар ўтказади.
Бундан олдин, Шавкат Мирзиёев Бокуга жўнаб кетгани хабар қилинганди.
