Лондон полицияси 29 нафар аёлни қулликдан озод қилди
Лондон полицияси 17 кишини одам савдосида гумон қилиб қўлга олди, қулликда сақланаётган 29 нафар руминиялик аёл озод қилинди. Бу ҳақда Скотланд-Ярд хабар берди.
"Эрталаб ўтказилган бир нечта рейдлар натижасида 17 киши - 14 эркак ва уч аёл одам савдоси билан шуғулланадиган халқаро жиноий гуруҳга аъзоликда гумонланиб қўлга олинди. Рейдлар Лондоннинг бир нечта районида ўтказилди", - дейилади хабарда.
Қўлга олинганлар "замонавий қуллик" учун шароит яратиш, фоҳишаликни ташкил этиш, гиёҳванд модда ва қуроллар билан боғлиқ жиноятларда гумонланмоқда.
"Полиция борган манзилларда жами 29 нафар аёл борлиги аниқланди, уларнинг ёши 20 дан 40 ёшгача. Барча аёллар хавфсиз жойга жўнатилди", - дейилади хабарда.
Операция Руминия полицияси, Руминиянинг Британиядаги элчихонаси ва Европол ҳамкорлигида ўтказилгани айтилмоқда.
Мавзуга оид
20:17 / 27.09.2024
Қозоғистонда ўзининг ички органларини қарийб 19 минг долларга сотмоқчи бўлган шахс ушланди
09:40 / 27.09.2024
Лондон Россиянинг СТГ секторига қарши санкцияларни кенгайтирди
22:37 / 17.09.2024
Лондондаги Оксфорд-стрит кўчаси пиёда учун мўлжалланган ҳудудга айлантирилади
14:50 / 16.09.2024