Ўзбекистонга Малининг янги элчиси келди

Фото: ТИВ

20 ноябрь куни Ўзбекистон Республикаси Ташқи ишлар вазири Абдулазиз Комилов Мали Республикасининг фавқулодда ва мухтор элчиси этиб тайинланган (қароргоҳи Москва шаҳрида) Тиэфинг Конатени қабул қилди.

Вазир элчининг ишонч ёрлиқларини қабул қилиб, уни юқори ва масъулиятли лавозимга тайинлангани билан табриклаган ва унга фаолиятида муваффақият тилаб қолган.

Суҳбат давомида ҳамкорликни турли шаклларда, хусусан, БМТ ва Ислом ҳамкорлик ташкилоти доирасида ривожлантириш истиқболлари муҳокама қилинган, икки томонлама муносабатларнинг ҳуқуқий асосларини яратиш бўйича биргаликда ишлашдан манфаатдорлик изҳор этилган.

Учрашувда томонларни қизиқтирган бошқа масалалар юзасидан ҳам фикр алмашилган.